Azərbaycanda yaşayış minimumu və ehtiyac meyarı artır

2025-10-22 | İqtisadiyyat | 370

Azərbaycanda yaşayış minimumu və ehtiyac meyarı artır.

2026-cı ildə Azərbaycanda yaşayış minimumu və ehtiyac meyarının 300 manat olması nəzərdə tutulur.

Bu barədə Milli Məclisin Əmək və sosial siyasət komitəsinin sədri Musa Quliyev məlumat verib. Onun sözlərinə görə, bu, 2025-ci illə müqayisədə 15 manat və yaxud 5,3 % çoxdur.

“O cümlədən, yaşayış minimumu əmək qabiliyyətli əhali üçün 317 manat, pensiyaçılar üçün 245 manat, uşaqlar üçün 260 manat olacaq”, - deyə komitə sədri əlavə edib.

Qeyd edək ki, 2025-ci il üçün yaşayış minimumu ölkə üzrə 285 manat, əmək qabiliyyətli əhali üçün 305 manat, pensiyaçılar üçün 232 manat, uşaqlar üçün 246 manat məbləğində müəyyən edilib.

Mənbə: https://apa.az/sosial/azerbaycanda-yasayis-minimumu-ve-ehtiyac-meyari-artir-ekskluziv-922743