Xüsusi təhlükəli heyvan xəstəliklərinə qarşı baytarlıq xidmətlərini hüquqi şəxslər və fiziki şəxslər həyata keçirəcək

2020-04-23 | İqtisadiyyat | 2447

Xüsusi təhlükəli heyvan xəstəliklərinə qarşı baytarlıq xidmətlərini hüquqi şəxslər və fiziki şəxslər həyata keçirəcək.

APA-nın məlumatına görə, bu, Prezident İlham Əliyevin bu gün imzaladığı “Baytarlıq sahəsində həyata keçirilən xidmətlərin təkmilləşdirilməsi ilə bağlı bəzi tədbirlər haqqında” fərmanda əksini tapıb.

Fərmana əsasən, xüsusi təhlükəli heyvan xəstəliklərinə qarşı dövlət büdcəsindən maliyyələşdirilən baytarlıq xidmətləri Kənd Təsərrüfatı Nazirliyi yanında Aqrar Xidmətlər Agentliyi ilə özəl baytarlıq xidmətlərini həyata keçirən hüquqi şəxslər və fərdi baytarlıq xidməti praktikası ilə məşğul olan fiziki şəxslər arasında müqavilə bağlanması yolu ilə həyata keçiriləcək.

Nazirlər Kabineti 2 ay müddətində sahə baytarlıq məntəqələrinin inzibati binalarının və digər dövlət əmlakının Kənd Təsərrüfatı Nazirliyi yanında Aqrar Xidmətlər Agentliyi ilə müqavilə bağlayan baytarlıq subyektlərinə icarəyə verilməsi ilə bağlı Kənd Təsərrüfatı Nazirliyinin və İqtisadiyyat Nazirliyinin təklifləri əsasında müvafiq tədbirlər görüb Azərbaycan Respublikasının Prezidentinə məlumat verməlidir.

Sahə baytarlıq məntəqələri ləğv ediləcək

Kənd Təsərrüfatı Nazirliyi tabeliyindəki baytarlıq idarələrinin strukturuna daxil olan sahə baytarlıq məntəqələri ləğv ediləcək.

APA-nın məlumatına görə, bu, Prezident İlham Əliyevin bu gün imzaladığı “Baytarlıq sahəsində həyata keçirilən xidmətlərin təkmilləşdirilməsi ilə bağlı bəzi tədbirlər haqqında” fərmanda əksini tapıb.

Fərmana əsasən, Kənd Təsərrüfatı Nazirliyi tabeliyindəki baytarlıq idarələrinin fəaliyyətinin təkmilləşdirilməsi və həmin idarələrin strukturuna daxil olan sahə baytarlıq məntəqələrinin 2022-ci ilin sonunadək mərhələli şəkildə ləğvi ilə bağlı tədbirlər görməlidir.

Qeyd edək ki, fərmana əsasən, xüsusi təhlükəli heyvan xəstəliklərinə qarşı dövlət büdcəsindən maliyyələşdirilən baytarlıq xidmətləri Kənd Təsərrüfatı Nazirliyi yanında Aqrar Xidmətlər Agentliyi ilə özəl baytarlıq xidmətlərini həyata keçirən hüquqi şəxslər və fərdi baytarlıq xidməti praktikası ilə məşğul olan fiziki şəxslər arasında müqavilə bağlanması yolu ilə həyata keçiriləcək.

Ramiz Mikayıloğlu

Mənbə: https://apa.az/az/aqrar-senaye-kompleksi/Xususi-thlukli-heyvan-xstliklrin-qarsi-baytarliq-xidmtlrini-huquqi-sxslr-v-fiziki-sxslr-hyata-kecirck-583002