Müvəqqəti rejimdə ərzaq məhsulları - ƏDV-DƏN AZAD EDİLƏCƏK

2020-04-29 | Vergilər | 3281

Azərbaycanda ərzaq məhsullarının idxalının ƏDV-dən azad olunması təklif olunur.

FED.az xəbər verir ki, bununla bağlı Vergi Məcəlləsinə dəyişiklik təklif olunur. Təklif olunan dəyişikliklə müvəqqəti vergi rejimi müddətində əhalinin sağlamlığının və zəruri ərzaq məhsulları ilə ehtiyaclarının təmin edilməsi məqsədilə siyahısı müvafiq icra hakimiyyəti orqanının müəyyən etdiyi orqan (qurum) tərəfindən təsdiq edilən məhsul (mal) növlərinin idxalı ƏDV-dən azad edilir.

Məcəlləyə dəyişiklik Milli Məclisin mayın 1-i keçiriləcək plenar iclasında müzakirəyə çıxarılacaq.

Mənbə: https://www.fed.az/az/vergiler/muveqqeti-rejimde-erzaq-mehsullari-edv-den-azad-edilecek-79389