e - MÜHASİB.AZ

Məlumat bazaları üzrə axtarış

537 Faizlər üzrə qısamüddətli kreditor borcları

Hesabat tarixindən sonra 12 ay ərzində həyata keçirilməli olan faiz ödənişləri "Faizlər üzrə qısamüddətli kreditor borcları" adlı 537 nömrəli hesabda göstərilir. Bura bank kreditləri və digər müəssisə və fiziki şəxslərdən alınan borclar üzrə, ödənilmməsi 12 aydan az olan faizlər daxildir.

534 "Faizlər üzrə qısamüddətli kreditor borcları" hesabının krediti üzrə və 751-1 "Faiz xərcləri" hesabının debeti üzrə faizlər üzrə borclar hesablanır. 534 "Faizlər üzrə qısamüddətli kreditor borcları" hesabın krediti və pul hesablarının debeti üzrə faizlər üzrə qısamüddətli borcların ödənilməsi əks olunur.

Misal. Müəssisə qaytarmaq şərti ilə 1 il müddətinə başqa bir müəssisədən 25 000 manat borc alıb. Borc müqaviləsinə əsasən bu borca görə müəssisə hər il 15% faiz ödəyəcək.

N Əməliyyatın məzmunu Debet Kredit Məbləğ
1 Borcun alınması 223 "Bank hesablaşma hesabları" 504 "Qısamüddətli borclar" 25 000
2 Hesabat dövrü üçün borcun faiz xərcləri uçota alınır. 751-1 "Faiz xərcləri" 537 "Faizlər üzrə qısamüddətli kreditor borcları" 3 750
3 Faizlər üzrə qısamüddətli kreditor borcun ödənilməsi. 537 "Faizlər üzrə qısamüddətli kreditor borcları" 223 "Bank hesablaşma hesabları" 3 750


Yazı sonuncu dəfə 2019-01-28 tarixində yenilənib.


Mesaj
Şərh Göndər

E-MUHASIB.AZ, Bütün hüquqlar qorunur © 2024

Saytdakı materiallardan istifadə yalnız sayt rəhbərinin yazılı icazəsi ilə mümkündür.