İşçilərin əmək və icra intizam qaydalarına riayət etməsinə nazarət insan resursları bölməsi (kadrlar) nəzarət edir. Bu insan resurları bölməsinin əsasnaməsində əks olunmalıdır.

Əgər müəssisədə belə bir struktur bölmə yoxdursa, o zaman, əmək intizamına nəzarət müəssisə rəhbərinin əmri ilə istənilən işçiyə həvalə edilə bilər.

Əmək intizamına nəzarət dedikdə aşağıdakılar nəzərdə tutulur:

• iş vaxtının uçot tabelinin aparılması;
• müəssisədaxili intizam qaydalarının hazırlanması;
• vəzifə təlimatlarının hazırlanması;
• struktur bölmələrinin əsasnaməsinin hazırlanmasında iştirak etmək;
• əmək intizamının pozulması səbəblərinin yoxlanılmasında iştirak etmək;
• yoxlamanın nəticələrini sənədləşdirmək,
• əmək intizamını pozan işçinin cəzalandırılması üçün əmrin hazırlanması;
• seçilmiş işçiləri təşviq etmək və ya əmək intizamını pozan işçilərin cəzalandırılması üçün müəssisənin rəhbərliyinə müraciətlər göndərmək;
• işçilərə verilən töhmətlərinin qeydiyyatı və uçotu;
• əmək intizamını gücləndirmək üçün tədbirlərin hazırlanması.